LEDIG STILLING, sesong:
SERVITØR
Kan du tenke deg ein ny og spanande kvardag? Ein kvardag i ei idyllisk bygd ved fjorden der du kan padle kajakk eller gå på topptur før eller etter jobb? Ein kvardag med meir tid til det du likar best... Freistar det? I så fall er dette ein moglegheit du ikkje vil gå glipp av!
Idyllisk lokalisert ved fjorden i vakre Flåm finn du Flåmsbrygga – eit av dei mest spanande reiselivskonsepta i landet med hotell, bryggeripub, kafè og restaurant. No har DU sjansen til å verte del av vårt dyktige team då vi søker servitør til Flåmstova Restaurant og Ægir BryggeriPub.
Vi ser etter deg som:
Er over 18 år grunna skjenking av alkohol
Har relevant erfaring
Fordel at du snakkar eit skandinavisk språk og/eller engelsk
Er utadvent og engasjert med godt humør og god servicehaldning
Trivst med hektiske arbeidsdagar, er arbeidsam og fleksibel
Vil jobbe dag, kveld og helger etter skiftplan
Som servitør vil du mellom anna ha følgjande oppgåver:
Halde frukost for hotellets gjester (gjeld Flåmstova Restaurant)
Servere lunsj og middag til grupper og individuelle gjester
Arbeide med kassasystem
Handtere bordbestillingar
Klargjere arrangement
Tiltredelse etter avtale og grundig opplæring. Vi tilbyr konkurransedyktig løn, pensjonssparing og personalrabatt på delar av vårt utval av mat og drikke.
VIL DU SØKE PÅ STILLINGA?
Fyll ut kontaktskjemaet nedanfor, eller send søknad med CV direkte til oss.
Ikkje nøl med å kontakte oss dersom du har spørsmål vedrørande stillinga.
Kontaktperson: Erik Walter Vold, Driftsleiar. Telefon: +47 57 63 20 66 / E-post: drift@flamsbrygga.no
OM ARBEIDSGIVAREN
Idyllisk lokalisert ved fjorden i vakre Flåm finn du Flåmsbrygga – eit av dei mest spanande reiselivskonsepta i landet. Konseptet omfattar Flåmsbrygga Hotell - Bryggerihotellet, Ægir BryggeriPub, Furukroa Kafè, Flåmstova Restaurant samt møte- og selskapslokale. Flåmsbrygga Hotell AS er søsterbedrift til Ægir Bryggeri AS og FjordSafari Norway AS.
Flåm er største reiselivsmål i Noreg utanom dei store byane, og kan skilte med attraksjonar som Flåmsbana, Nærøyfjorden, Aurlandsdalen, Rallarvegen, Flåm Zipline, Stegastein Utsiktspunkt og mykje meir. Flåm er no ein heilårsdestinasjon med fokus på auka aktivitet om vinteren, og som ein av dei leiande aktørane i området bidrar Flåmsbrygga aktivt i reisemålsutvikling og held ope året rundt.